Refleksjonslogg for Høre skule - LÆRNO

Evaluering av lærnoto

2008-04-21T12:47:00.001+02:00

Kort presentasjon av skolen

Generelle tilhøve:
-Skulen ligg I Høresbygda, Vang kommune i Valdres.
-Barneskule 1-7 Fådelt. Ca 40 elevar.
-7 pedagogar inkludert rektor.
-2 assistentar.

Teknisk utrustning ved skulen:-Ei tralle med 20 bærbare maskiner, og trådlaust nettverk. (Win XP)-Eit datarom med 7 datamaskiner (WIN XP)
-2 stasjonære maskiner med Win Vista og trådlaust nettverk.-Alle lærarar har eigen bærbar PC med WIN XP , og trådlaust nett.-Fiberoptisk breiband gjennom IKT Valdres. Reell hatigheit ca. 1000 kbps. Ned.
Kontaktperson:
Tlf:.
Mail:

Tor Nordås
61367673/ 47087727
tor.nordas@vang.kommune.no
Beskrivelse av skoleprosjektet

Prosjekttittel:
“Ta i bruk digitale mapper og LMS i mange fag”

Prosjektgruppa har stort sett bestått av rektor ved skulen, og IKT-leiar ved skulen.

Vi har samarbeida med Vang barne og ungdomsskule som også deltek I LÆRNO om å velje ut aktuell LMS. i ettertid har denne vorte teke i bruk ved alle fire skulane i kommunen.

Mål med prosjektet

Målet har vore at læringsplattforma skal implementerast som ein naturleg del i skulekvardagen.

Vi følte behov for å ta i bruk LMS, for å sikre betre struktur i elevane sitt digitale læringsarbeid. Eit anna viktig poeng var å sikre dei føresette sitt høve til å følje med i ungane sitt arbeid.

Eit trea viktig poeng var å lette samarbeidet til lærarane. Vi hadde frå før dårlege høve til å samarbeide i det skriftlege arbeidet. No kan vil til og med jobbe med dette frå andre plassar enn skulen.
Produkt/ene

-Anskaffing av It`s learning som LMS.
-Ei rekkje kurs i bruk av vår LMS for dei tilsette.
-Kurs i bruk av LMS for føresette.
-Ein del samansette tekstar som er produsert av elevar.
-2 ulike interaktive tavler.
Kort evaluering

Vi ser på vårt prosjekt som svært vellukka. Siste steg i framdriftsplanen vår var å ta i bruk LMS som eit pedagogisk verkty. Dette skulle vi gjere i løpet av januar i år. Det er ingen tvil om at vi har klart dette. Vi har til og med vore i framkant av eigen framdriftsplan.

Kanskje endå meir interessant er alt det andre, utanom eige prosjekt, som vi har fått ut av LÆRNO. Til dømes har vi fått det meste vi kan om samansette tekstar frå LÆRNO gjennom å sjå andre sine arbeid, og diskusjon rundt dette.
Interaktiv tavle er også noko vi har vorte inspisert til å prøve ut gjennom prosjektet.
Sist men absolutt ikkje minst kjem alle diskusjonar og refleksjonar rundt pedagogisk bruk av IKT, og dei mange tilhøva runt om på skulane.

Refleksjonar etter den kulturelle samlinga på Granavollen!

2008-02-05T14:20:00.000+01:00

Fyrst av alt vil vi takke for god og nok mat og eit positivt avbrot med kultur. Frisk luft er heller ikkje å forakte. Hadelendingane har forstått dette. I det heile har det generelt vore ei roleg og triveleg samling der vi har hatt mange gode diskusjonar.
Og, orienteringa om korleis skulen her driv temaundervisning gav oss mange ting å tenkja på. Vi er imponerte over lærarar som klarar å gå nye vegar og gjennomføre det. Heilt klart ligg det mykje både motivasjon og læring i denne måten å tenkja på.
Når det gjaldt refleksjonane etter artikkelen til Eidsvåg opplevde dei to gruppene vi var på dette forskjellig. Refleksjonen vil likevel setje igang ein prosess i høve til å reflektere over bruk av IKT i eigen praksis. Ein vil kanskje bli endå meir målretta, og kritisk.
At programmet for samlinga blir endra etter kvart meiner vi er sunt. Dette gjer at vi kan vere meir fleksible, og få meir ut av samlinga.

Refleksjonar frå "den isblå samlinga" på Fefor.

2007-11-30T19:51:00.000+01:00

Takk for sist!

Denne gongen kastar vi oss frampå, og reflekterer litt, før inntrykka har gått i gløymeboksen!

Dei fyrste, og ikkje så djupe, tankane er at det var ei avslappa, roleg og triveleg samling med god mat, om enn porsjonane var litt snaue fyrste dagen, for aktive kraftkarar frå øvst i Valdres!

Deretter må vi få takke Sødorp skule for ei flott omvisning og vel forberedt velkomst til Gudbrandsdalen! Det er veldig lærerikt å sjå korleis andre skular gjer ting, både for å få bekrefta at ein stundom er på rett kurs sjølv, og ikkje minst få nokre nye idear.
Diverre kan turen vise seg å bli kostbar i ettertid, då vi vart svært misunnelege på dei mange smart-boarda! Sjølv har vi eitt som står på eit fellesrom, og trur at ved å få fleire, vil bruken auke mykje gjennom at tilgangen og organiseringa blir mykje betre og lettare.

Generelt gjer desse samlingane at vi samlar oss, og jobbar meir målretta med eige prosjekt. Det er av stor verdi å få med dei ideane og innspela som dukkar opp under samlingane. Kontakten med "likesinna" både gjennom formelle og meir uformelle samtalar er i seg sjølv nyttig!

Forhåpentlegvis klarar vi også sjølv å bidra med noko positivt, slik at vi bidreg til det lærande nettverket, og ikkje berre haustar frukter frå andre sitt arbeid.

Til slutt må vi seie at vi også er litt stolte av oss sjølv. Vi tykkjer vi er kome langt i eige prosjekt. Det er ingen ting som tyder på at LMS-en vår skal daue hen! Den er tvert imot i ferd med å bli eit sjølvsagt og naturleg verktøy ved skulen.

Elles er eg, Tor, freista til å bli med til London i januar. Eg har også fått positive reaksjonar på dette frå skuleleiinga, slik at det skal vere mogeleg å få det til. Reknar med at dette blir ei sak på fellesbloggen relativt snart.

Med helsing Vegar og Tor!

Refleksjonar frå den raude samlinga.

2007-10-15T15:12:00.000+02:00

Fyrst må eg få ut litt agresjon som har bygd seg opp over dette "blogger"

For ei stund sidan kunne eg ikkje kommentere innlegg på andre bloggar fordi eg ikkje hadde gmail-konto, likevel kunne eg redigere vår eigen blogg.

Eg forsøkte no å skifte til ein gmail konto som eg oppretta. Då laga blogger ein ny blogg, med ny adresse, same tittel, og utan dei gamle innlegga.

Deretter viser det seg at det gamle brukarnamnet, som ikkje er gmail, fortsatt fungerar, og eg kan også kommentere innlegg på andre bloggar!

STØNN!

Deretter får eg be om orsaking for at vi har vore så "slappe" i det siste, eg skulle ha laga denne refleksjonen for lenge sidan, men fekk fyrst att pusten no, etter ei travel tid på jobb og privat!
-Andre har kanskje hatt det like travelt, men likevel gjort det dei skal? All ære til dei for det!

Så til saken:

Takk for sist! Sjølv om vi frå Høre ikkje møtte så mannsterke, og heller ikkje overnatta, gleda eg meg over ei fin samling, og ikkje minst to fortreffelege lunsjar!

Sjølv om det i nettverket kan verke som om vi i Høre er nokon slabbedaskar er vi godt igang med prosjektet på eigen skule. Vi byrja så smått på vårparten med å ta i bruk "It`s learning" som LMS, og er pr. no i god rute. LMSèn er allereie godt etablert på mellomtrinnet, og blir også brukt så mykje som det høver seg på småskuletrinnet. Vi har ein positiv lærarstab her som ser nytta av å ta dette i bruk, og er interessert i å lære. Eg som IKT-leiar ved skulen har halde vekentlege (nesten) små kurs der vi har arbeidd med dei ulike funksjonane i LMSèn. Ofte har tema på kursa kome som fylgje av at nokon har hatt behov for opplæring i eit særskilt emne.

Elles jobbar vi no i kommuna om ein ny IKT-plan, der innhald i IKT-undervisninga er sentralt. I tillegg ynskjer vi å lage meir konkrete planar for maskin, og programvare på skulane, slik at det vert sikra ei utskifting av forelda utstyr på alle skulane. (Noko i likheit med Lillehammer-Gudbrandsdalen si ordning, om enn ikkje like ambisiøs) Ressursar til IKT-arbeid er også med; Samling av ressursane på kommunehuset, utdeling av alt til skulane, eller ein kombinasjon.
Som VBU nemner har vi også sett på korleis dei løyser dette i Luster.

Tor.

Refleksjonar frå Hunderfossen!

2007-04-13T10:00:00.000+02:00

Som vi har skreve er vi på Høre skule kome godt igang i eige prosjekt. Derimot ligg vi litt bakpå med tanke på nettverket. Dette er dels grunna i ein veldig hektisk vår, og dels i at vi ikkje var til stades på forrige samling. På samlingane blir ein "henta litt inn igjen", og vi mistar litt av kontinuiteten når vi ikkje er med.
Vi opplever samlinga på Hunderfossen som veldig nyttig. Anita Normann ga oss ein veldig fin innføring i samansette tekstar. Ho ufarleggjorde emnet veldig, og ga ein tryggheit i forhold til emnet. Dette var blant anna fordi ho hadde så stor erfaring, og kunne vise fleire konkrete eksempel. I tillegg var ho sjølvsagt veldig flink til å formidle.
Prosessen med å diskutere vurderingskriterier var også veldig nyttig. Dette bør ein ha tenkt grundig gjennom. Det er viktig at elevane veit kva dei blir vurdert etter, og det er viktig at vi lærarar har ein felles plattform.

Vi har også eit ynskje til nettverket om å få ein workshop med biletbehandling og fotografering. Dette ville vere veldig nyttig i arbeidet med samansette tekstar. Håpar vi då kunne kome inn på kva for bildebehandlingsprogram som er mest eigna i skulen med tanke på bruk og pris.

Status på prosjektet pr. 1. april -07

2007-04-11T15:29:00.000+02:00

Vi har no fått rettigheiter til å bruke It`s learning. Vi har kursa administrator, og registrert alle elevane. Administrator er i gang med å kurse dei andre lærarane. Ein del klasser er i gang med å leggje ut vekeplan på It`s learning. Nokre klassar har kome lenger.
Vi brukar ei økt pr. 14 dag felles for å lære systemet.
For neste skuleår har vi fått avsett 1 time i veka for kvar lærar som skal brukast i kursing/ oppdatering.
Til no har den største utfordringa vore å få tid til intern kursing. Dette blir betre med den auka tida.
Ei anna utfordring er å få alle lærarar og assistentar til å bli kompetente brukarar. Lyst og motivasjon hjå alle er noko vi må jobbe med.

Refleksonar frå "den kvite samlinga"

2006-12-06T15:09:00.000+01:00

No har det gått snart ei veke etter samlinga utan at tankane har vore mykje inne på LÆRNO. Tida rett før jul er den mest hektiske tida på skulen! Vi vil likevel prøve å kome med nokre tankar. Våre tankar om den fyrste dagen, fagdagen, er at dette vart vel teoretisk, og kanskje litt lite praksisnært. Mykje av informasjonen var interessant, men vi er i tvil om kor nyttigt det var for prosjektet vårt. Vi treng eksempel på korleis elevane kan lage samansette tekstar. Vi trur beste måten å lære dette på er at vi lærarar jobbar med det i work-shop under vegleiing.

Dei digitale dropsa den andre dagen var interessante, sjølv om det kanskje hadde greidd seg med eitt eller to. Vi fekk også nyttige erfaringar frå andre skular som har teke i bruk læringsplattform. Vi meiner at denne delen må aukast framover slik at vi får jobba meir med eige prosjekt. Det bør også setjast opp ei oversikt over kva for prosjekt ulike skular har jobba med, slik at det blir lettare å ta kontakt og samarbeide.

Vi har desse forslaga til til fagdagar:

Praktisk bruk av IKT i fag som til dømes matematikk og kunst & handverk.
Korleis differensiere IKT undervisninga i forhold til motivasjon, kunnskapar, disiplin.

Refleksjonar rundt eige prosjekt.

2006-12-06T14:44:00.000+01:00

Prosjektet vårt går heilt klart framover. Vi er ikkje kome veldig langt, men har,i lag med Vang barne-og ungdomskule, bestemt oss for kva læringsplattform vi skal satse på. Vi vil bruke Its learning. Denne blir bestilt før jul. Vi prøver å få kurs for superbrukarar og administrator i løpet av januar, slik at vi i løpet av vinteren kan lære opp alle brukarar. Når det gjeld kursing av brukarar vil vi vurdere å gjere noko av det internt.Plattformen vil bli teke i bruk på alle trinn, og truleg på alle skular i vang. Den vil nok bli brukt i større og mindre grad, og etter å ha høyrt erfaringar frå andre skular vil vi starte litt forsiktig. Vi får heller prøve å utvide bruken etterkvart. Vi kan til slutt konkludere med at vi er i rute ifylgje framdriftsplanen. Den er noko justert i saman med informasjon om datautstyret ved skulen.

Samansette tekstar.

2006-11-29T11:52:00.000+01:00

Microsoft photostory er eit program som kan lastast gratis ned. Mogelegheitene i programmet ligg i å lese inn tekst, og kombinere det med bilete. Dette kan vere eit nyttig verktøy for skulen ved arbeid med samansette tekstar.

Om du klikkar på lenka under kjem du direkte til nedlastingssida til programmet:

http://www.microsoft.com/norge/windowsxp/home/using/digitalphotography/photostory/default.mspx

Prosjektskildring og framdriftsplan.

2006-10-25T13:30:00.000+02:00

Tittel:
"Ta i bruk digitale mapper og LMS i mange fag"

Organisering/ framdriftsplan:
1. Få oversikt over aktuelle LMS-løysingar, bl.a. ved å delta på konferanse (HØYVIS)
(frist nov -06)

2. Eigen vurdering i samarbeid med Vang barne og ungdomsskule, for å bestemme plattform. (frist 15. des -06)

3. Opplæring av superbrukarar og administratorar i aktuell LMS (i samarbeid med VBU)
(frist 1. febr. -07)

4. Opplæring av prosjektgruppa og undervisningspersonalet i aktuell LMS.
(frist 1. apr.)

5. Vurdering og avgjer på korleis vi skal bruke plattformen. Dette skal vere bindande for alle lærarane.
(frist 20. juni)

6. Ta LMS i bruk. Prøveperiode.
(oppstart skuleåret 07/08)

7. Evaluering av prøveperioden.
(frist 1. nov -07)

8. Justeringar.

9. Vi tek LMS i bruk som eit pedagogisk verkty!
(januar -08)

Teknisk utrustning ved skulen:
-Ei tralle med 20 bærbare maskiner, og trådlaust nettverk. (Win XP)
-Eit datarom med 7 datamaskiner (WIN XP)
-Alle lærarar har eigen bærbar PC med WIN , og trådlaust nett.
-ADSL tilkopling. Ca 1000 kbps for heile skulen. (Snart fiberoptisk i saman med resten av kommunen.)

Kontaktinfo

2006-09-20T14:39:00.000+02:00

Høre skule
2973 Ryfoss

1-7 skule, 46 elevar
Rektor: Vegar Rudiløkken

vegar.rudilokken@vang.kommune.no